ԼՈՒՍԱՆԿԱՐ. Ես ցնցված եմ, որ Եվգենի Պրիգոժինը «այն տղան է, ով ինձ ուտելիք է մատուցել». Ջորջ Բուշ կրտսեր

Միացյալ Նահանգների 43-րդ նախագահ Ջորջ Բուշը, ով զբաղեցրել է այդ պաշտոնը 2001-2009 թվականներին, ասել է, որ զարմացել է, երբ իմացել է, որ անձամբ հանդիպել է գործարար, «Վագներ» ՄՌԿ-ի հիմնադիր Եվգենի Պրիգոժինի հետ։ Այս մասին հայտնում է Business Insider-ը։ 
 

Բուշն այդ մասին խոսել է Յալթայի Եվրոպական ռազմավարության համաժողովում։ ԱՄՆ նախկին նախագահին հարցրել են, թե արդյոք նա ցնցված է Տվերի մարզում ավիավթարի հետևանքով Եվգենի Պրիգոժինի մահվան լուրից։ 

«Ոչ, ինձ ցնցողն այն է, որ օրերս ես տեսա մի լուսանկար Սանկտ Պետերբուրգում G8-ի գագաթնաժողովից, որտեղ նա այն տղան էր, ով ինձ սնունդ էր մատուցում», - ասել է Բուշը: 

Նա Պրիգոժինին անվանել է ՌԴ նախագահ Վլադիմիր Պուտինի «շեֆ–խոհարարը» և նշել, որ վերջինս ներկա է եղել 2006 թվականին Սանկտ Պետերբուրգում արված լուսանկարում։ 

Բուշը հավելել է, որ չի հիշում, որ անձամբ հանդիպել է Պրիգոժինին։ «Ես միայն գիտեմ, որ ես ողջ եմ մնացել», - ավելացրել է Բուշը: 

Եվգենի Պրիգոժինը 2006 թվականի հուլիսի 14-ին Վլադիմիր Պուտինի հետ ընթրիքի ժամանակ ծառայել է որպես Ջորջ Բուշ կրտսերի և նրա կնոջ՝ Լորա Բուշի մատուցող։ Պրիգոժինը, ըստ երևույթին, Բուշին խմիչք է մատուցել։

[7b0cd63ca4057c410f01d01938a667db.jpg]