«Ղարաբաղն Ադրբեջանի մասն է»․ Իրանի ԱԳՆ խոսնակ
«Ղարաբաղն Ադրբեջանի մասն է»: Այս մասին հայտարարել է Իրանի ԱԳՆ խոսնակ Նասեր Քանանին։
«Այդ տարածաշրջանի ժողովրդի անվտանգությունն ու իրավունքները պետք է որոշվեն հստակ մեխանիզմով: Սա մեր պաշտոնական դիրքորոշումն է: Իրանը միշտ ընդգծել է երկրների տարածքային ամբողջականությունը հարգելու անհրաժեշտությունը և միշտ դեմ է արտահայտվել միջազգայնորեն որոշված սահմանների ցանկացած փոփոխությանը», - ասել է նա։
Քանանին նշել է, որ Հայաստանի ու Ադրբեջանի կողմից միմյանց տարածքային ամբողջականությունը ճանաչելը կարևոր քայլ կլինի կայուն խաղաղության ու անվտանգության հասնելու համար:
«Մենք չենք աջակցում ցանկացած գործողություն, որը կարող է ստվերել այս սկզբունքները», - ընդգծել է իրանցի պաշտոնյան։
