Ուկրաինան քննադատել է տրիբունալի և ՌԴ ակտիվների բռնագրավման վերաբերյալ Արևմուտքի գործողությունները
Ուկրաինայի արտգործնախարար Դմիտրի Կուլեբան հայտարարել է արեւմտյան գործընկերների կողմից Ռուսաստանի դեմ տրիբունալ ստեղծելու հարցում «փակուղու» մասին եւ արձանագրել է ռուսական ակտիվների բռնագրավման «կամքի բացակայությունը»,- փոխանցում է AFP-ն։
Արևմուտքը, ինչպես պատմել է Ուկրաինայի ԱԳՆ ղեկավարը, հանդես է գալիս ՌԴ-ի դեմ «խառը տրիբունալի» ստեղծման օգտին ՝ ուկրաինական օրենսդրության հիման վրա։ Սակայն Կիևը կարծում է, որ դա թույլ չի տա անձեռնմխելիությունից զրկել ՌԴ նախագահ Վլադիմիր Պուտինին, վարչապետ Միխայիլ Միշուստինին կամ արտգործնախարար Սերգեյ Լավրովին: Ըստ Կուլեբայի՝ դա Կիևի համար անընդունելի տարբերակ է։
Անդրադառնալով հօգուտ Ուկրաինայի ռուսական ակտիվների բռնագրավմանը ՝ նախարարն ասել է, որ այդ հարցում ակնհայտորեն պակասում է կամքը։
Հիշեցնենք, որ Ուկրաինան 2022 թվականից դաշնակիցների հետ քննարկում է միջազգային տրիբունալ ստեղծելու գաղափարը եւ ցանկանում է հետաքննել Ռուսաստանի գործողությունները զինված հակամարտության ընթացքում։ Կրեմլը հրաժարվել է նման տրիբունալը լեգիտիմ ճանաչել։ Փոխարենը, ինչպես պատմել է ՌԴ Դաշնային խորհրդի փոխխոսնակ Կոնստանտին Կոսաչովը, ռուս սենատորներն են Ուկրաինայի հարցով միջազգային տրիբունալ ստեղծելու առաջարկներ են պատրաստում։
