Ֆրանսիան չի ճանաչում ապստամբների իշխանությունը Նիգերում. Մակրոն
Ֆրանսիան չի ճանաչում ապստամբների իշխանությունը Նիգերում, զորքերը դուրս կբերի երկրից միայն տապալված նախագահ Բազումի խնդրանքով, այս մասին հայտարարել է Ֆրանսիայի նախագահ Էմանուէլ Մակրոնը:
Ավելի վաղ հայտնի էր դարձել, որ ԱՄՆ-ը ուժեր և տեխնիկա կտեղակայի Նիգերում, իսկ հիմնական անձնակազմի որոշ հատված դուրս կբերվի երկրից, գրել է Reuters-ը՝ վկայակոչելով ամերիկացի պաշտոնյային։
Հիշեցնենք, որ հուլիսի 27-ին Աֆրիկա մայրցամաքի Նիգեր պետությունում, մի խումբ բարձրաստիճան զինվորականներ հանդես են եկել պետական հեռուստատեսության եթերում՝ հայտարարելով նախագահ Մոհամեդ Բազումի պաշտոնանկության, սահմանների փակման և երկրի ամբողջ տարածքում պարետային ժամ մտցնելու մասին։
Զինվորականների և Բազումի հարաբերությունները սրվել էին, երբ նախագահը փորձել էր պաշտոնանկ անել Նիգերի Նախագահական գվարդիայի հրամանատարին։
