Թուրքիան դեմ է, որ Հայաստանը անդամակցի ՆԱՏՕ-ին․ թուրք դիվանագետ
ՆԱՏՕ-ին անդամակցելու Հայաստանի շանսերը չափազանց ցածր են՝ Թուրքիայի և մի շարք այլ երկրների հնարավոր վետոյի պատճառով, Риа Новости-ին հայտնել է դաշինքում Թուրքիայի նախկին ներկայացուցիչը.
«Դաշինքի անդամ դառնալու համար անհրաժեշտ է անդամ բոլոր երկրների հավանությունը։
Եթե մի շարք երկրներ օգտագործեն վետոյի իրավունքը, Հայաստանը չի կարող դառնալ ՆԱՏՕ-ի անդամ։ Թուրքիայի դիրքորոշումը որոշ խնդիրների վերաբերյալ հայտնի է, ուստի կարծում եմ, որ Երևանի՝ դաշինքում ընդունվելու շանսերը չափազանց ցածր են, և չարժե նույնիսկ ենթադրել, թե ինչպիսին կլինեն հնարավոր քվեարկության արդյունքները», - ընդգծել է դիվանագետը։
Հիշեցնենք՝ ավելի վաղ դաշինքի բարձրաստիճան պաշտոնյան կոչով դիմել էր վարչապետ Փաշինյանին՝ միանալու ՆԱՏՕ-ին։
