ՌԴ-ի հետ սահմանակից երկրները պետք է միասնական առևտրային էմբարգո սահմանեն նրա դեմ․ Էստոնիայի վարչապետ

Էստոնիայի վարչապետ Կայա Կալլասը Ռուսաստանի հետ սահմանակից երկրներին առաջարկել է միասնական առևտրային էմբարգո մտցնել նրա դեմ։ 

Սահմանամերձ մյուս երկրները (Լեհաստանը, Լիտվան, Լատվիան և Ֆինլանդիան) դեռ չեն աջակցել այս առաջարկին։ Միևնույն ժամանակ, այս գաղափարի հաջող իրականացման համար առանցքային նշանակություն ունի Ֆինլանդիայի դիրքորոշումը, կարծում է Էստոնիայի վարչապետը։ 

Նա խոստացել է նաև այս հարցը քննարկել հանրապետության նոր վարչապետ Պետերի Օրպոյի հետ։

Ավելի վաղ Կալլասը հայտարարել էր, որ հույս ունի պահպանել իր պաշտոնը, չնայած Ռուսաստանում գովազդային ապրանքների վաճառքի հետ կապված սկանդալին, որում ներգրավված է եղել իր ամուսինը: Նշենք, որ երկրի խորհրդարանում արդեն սկսել են նախապատրաստել վարչապետին անվստահության քվե հայտնելու գործընթացը։ Կալլասին խորհուրդ է տվել հրաժարական տալ նաեւ երկրի նախագահը, սակայն նա, միևնույն է, հրաժարվել է դա անել։