ԼՈՒՍԱՆԿԱՐՆԵՐ․ Հյուսիսային Կորեայի առաջին մարտավարական միջուկային սուզանավը
Հյուսիսային Կորեայի առաջնորդ Կիմ Չեն Ընը հատուկ արարողության ընթացքում ներկայացրել է նոր ստեղծված մարտավարական միջուկային սուզանավ, որն, ըստ Փհենյանի, կարող է ստորջրյա միջուկային հարձակում գործել։
Ընդգծվում է, որ սա մարտավարական միջուկային զենքով հագեցած հյուսիսկորեական առաջին սուզանավն է։ Հաղորդվում է նաև, որ նոր սուզանավը ներկայումս ծով է դուրս եկել։
Կիմ Չեն Ընը խոստացել է «հետագայում էլ ամրացնել պետության միջուկային զսպման կարողությունները» թե՛ քանակով, թե՛ որակով։
Հյուսիսային Կորեան վաղուց էր ցանկանում իր զինանոցը համալրել միջուկային զենք կրելու կարողությամբ սուզանավով և տարիներ շարունակ աշխատում էր դրա ստեղծման ուղղությամբ։
Իր հերթին BBC-ն հաղորդում է, որ սուզանավերը ջրի տակ տեղորոշելը բավական բարդ է, ինչը նշանակում է, որ Փհենյանը կարող է ծովից հարվածել իր թշնամիներին, եթե իր ցամաքային զենքերը ոչնչացվեն նրանց կողմից։
