Հայաստանում հոկտեմբերի 1-ից դեկտեմբերի 8-ը ներառյալ կանցկացվեն վարժական հավաքներ

Այսօր կառավարության նիստի չզեկուցվող հարցերի մեջ Պաշտպանության նախարարությունը ներկայացրել էր Վարժական հավաքներ հայտարարելու և դրա ապահովման համար ռազմատրանսպորտային պարտականություն ունեցող մարմինների տրանսպորտային միջոցները ներգրավելու մասին նախագիծը, որը միաձայն ընդունվեց Կառավարության անդամների կողմից:

Ըստ նախագծի հայտարարվում է պահեստազորի առաջին խմբի առաջին և երկրորդ կար­գե­րում հաշվառված շարքային, ենթասպա­յական և սպայական կազմերի պահեստա­զորայինների վարժական հավաքներ` 2023 թվականի հոկտեմբերի 1-ից մինչև դեկտեմբերի 8-ը ներառյալ:

Վարժական հավաքներին կներգրավվի մինչև 2059 քաղաքացի, որոնցից 1875-ը՝ շարքային և կրտսեր ենթասպայական կազմեր, 99-ը` ավագ ենթասպա­յական կազմ, 85-ը` սպայական կազմի պահեստազորայիններ՝ համազորային (մոտոհրաձգային, կապի, հետախուզական, ինժեներական), հրթիռահրետանային մասնագիտություններով: