ՌԴ-ն մնում է անվտանգության երաշխավորը. Պեսկովը՝ Փաշինյանի՝ Ադրբեջանի զորքեր կուտակելու մասին հայտարարությանը
Ռուսաստանը շարունակում է մնալ հայ-ադրբեջանական հակամարտության գոտում անվտանգության երաշխավորը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը` անդրադառնալով Հայաստանի վարչապետ Նիկոլ Փաշինյանի հայտարարությանը, որ Ադրբեջանը զորքեր է կուտակում Արցախի շփման գծի ու Հայաստան-Ադրբեջան սահմանագծի երկայնքով։
«Ռուսաստանը շարունակում է կատարել անվտանգության երաշխավորի իր գործառույթները և բծախնդիր, հետևողական, կառուցողական աշխատանքը ինչպես Երևանի, այնպես էլ Բաքվի հետ», - ասել է նա։
Հիշեցնենք՝ ավելի վաղ հայտնել էինք, որ ՀՀ վարչապետ Նիկոլ Փաշինյանը կառավարության նիստի ժամանակ հայտարարել է, որ Ադրբեջանը զորքեր է կուտակում Արցախի շփման գծի ու Հայաստան-Ադրբեջան սահմանագծի երկայնքով։
