Հաջիևը հայտնել է, որ Իսրայելի հետ Ադրբեջանի համագործակցությունն ուղղված չէ որևէ երկրի դեմ
Ադրբեջանի արտաքին քաղաքականությունն անկախ է, Իսրայելի հետ համագործակցությունն ուղղված չէ որևէ երկրի դեմ։ Այս մասին հայտարարել է Ադրբեջանի նախագահի օգնական Հիքմեթ Հաջիևը՝ իսրայելական i24NEWS հեռուստաալիքին տված հարցազրույցում:
Նրա խոսքով՝ թեև Իրանի հետ կան տարաձայնություններ, սակայն Ադրբեջանը ձգտում է դրանք լուծել դիվանագիտական ճանապարհով և համագործակցության նոր հեռանկարներ բացել։
Հաջիևը հավելել է, որ Ադրբեջանը նպաստել է Իսրայելի և Թուրքիայի հաշտեցմանը՝ ընդգծելով, որ Բաքուն առաջարկում է ամրապնդել Ադրբեջանի, Թուրքիայի և Իսրայելի միջև եռակողմ ձևաչափով համագործակցությունը։
«Ադրբեջանը հպարտ է Իսրայելի հետ երկկողմ հարաբերություններով, հատկապես ռազմատեխնիկական համագործակցության ոլորտում»,- ասել է Հաջիևը:
