ԱՄՆ–ում պատժամիջոցների տակ հայտնված ռուս օլիգարխների արխիվները կտրամադրվեն ուկրաինացի վետերաններին. Բլինքեն

ԱՄՆ պետքարտուղար Էնթոնի Բլինքենը հայտարարել է, որ պատժամիջոցների տակ հայտնված ռուս գործարարներից առգրավված ակտիվները կօգտագործվեն ուկրաինացի վետերաններին աջակցելու համար, գրում է ТАСС–ը:

«Առաջին անգամ մենք Ուկրաինային ուղարկում ենք պատժամիջոցների տակ գտնվող ռուս օլիգարխներից առգրավված ակտիվները, որոնք կօգտագործվեն ուկրաինացի վետերաններին աջակցելու համար»,- ասել է նա։ 

Ինչպես նշվում է Պետդեպարտամենտի տարածած հաղորդագրության մեջ, խոսքը 5,4 մլն դոլար գումարի մասին է։ 

Բլինքենն ավելի վաղ հայտարարել էր, որ Վաշինգտոնը Կիևին կտրամադրի ավելի քան 1 միլիարդ դոլարի լրացուցիչ օգնություն: 

Նշվում է, որ 2022 թվականի փետրվարի վերջից Վաշինգտոնը 43,2 միլիարդ դոլարի ռազմական օգնություն է տրամադրել Կիևին, մարդասիրական օգնությունը կազմել է 2,9 միլիարդ դոլար, ևս 20,5 դոլարմիլիարդը բյուջետային աջակցության տեսքով ուղարկվել է Համաշխարհային բանկի մեխանիզմներով: