Ինչ վիճակում են ադրբեջանական սադրանքի հետևանքով վիրավորված 2 զինվորները․ ՊՆ խոսնակ
Վիրավորները գտնվում են հոսպիտալի բուժանձնակազմի հսկողության տակ։ Այս մասին Auroranews-հետ զրույցում ասաց ՀՀ ՊՆ մամուլի խոսնակ Արամ Թորոսյանը։
«Նարեկ Պողոսյանի վիճակը դեռևս գնահատվում է ծայրահեղ ծանր, կայուն: Մյուս վիրավորի վիճակը՝ միջին ծանրության, այս պահին կյանքին վտանգ չի սպառնում»,-ասաց նա:
Հիշեցնենք` ադրբեջանական ԶՈւ–ն սեպտեմբերի 1-ին՝ ժամը 07:50-ից սկսած, ինտենսիվ կրակ է բացել Գեղարքունիքի մարզի Սոթք և Նորաբակ համայնքների հատվածում տեղակայված հայկական դիրքերի ուղղությամբ։ Ադրբեջանը կիրառել է նաև ականանետեր և անօդաչու սարքեր: Հայկական կողմն ունի 3 զոհ, 2 վիրավոր:
