Հայտնի է Պուտին-Էրդողան հանդիպման ժամը
Թուրքիայի նախագահ Ռեջեփ Էրդողանի և ՌԴ նախագահ Վլադիմիր Պուտինի միջև բանակցությունների մեկնարկը Սոչիում նախատեսված է Երևանի ժամանակով 14։00-ին։ Այդ մասին «Ռիա Նովոստի» գործակալությանը հայտնել է Թուրքիայի նախագահի աշխատակազմի աղբյուրը։ Ըստ մամուլի՝ Էրդողանի ինքնաթիռը արդեն Սոչիի ճանապարհին է։
Հիշեցնենք՝ ավելի վաղ հայտնի էր դարձել, որ Ռուսաստանի և Թուրքիայի նախագահների հանդիպումը նախատեսվում է Սոչիում, որպես հնարավոր ամսաթիվ նշվում է սեպտեմբերի 4-ը: Նշենք նաև, որ ի թիվս այլ հարցերի՝ Պուտինն ու Էրդողանը կքննարկեն հացահատիկային գործարքի մասին հարցը։
