Նիգերի ապստամբները չեղյալ են հայտարարել Ֆրանսիայի հետ անվտանգության բոլոր համաձայնագրերը

Նիգերի իշխող «Հայրենիքի պաշտպանության ազգային խորհուրդը» (CNSP) հայտարարել է անվտանգության և ռազմական հարցերի ոլորտում Ֆրանսիայի հետ բոլոր համաձայնագրերը չեղարկելու մասին, հայտնում է Al-Arabiya հեռուստաալիքը։

Նիգերի ռազմական խորհուրդը հայտարարել է Ֆրանսիայի հետ անվտանգության և ռազմական բոլոր համաձայնագրերը չեղյալ հայտարարելու մասին։

Հուլիսի 26-ի առավոտյան Նիգերի նախագահական գվարդիան ձերբակալել է նախագահ Մուհամեդ Բազումին մայրաքաղաք Նիամիում գտնվող իր նստավայրում: Նախագահի գվարդիան արգելափակել է մուտքը Բազումի նստավայր և մերժել է նրան ազատ արձակելու բանակցողների խնդրանքը։ 

Հաղորդվում էր, որ ապստամբները պարտադրում են նախագահին ստորագրել իր հրաժարականը, սակայն նա հրաժարվում է։ Նիգերում դադարեցվել է բոլոր հաստատությունների աշխատանքը, փակվել են երկրի սահմանները։ Լրատվամիջոցների տվյալներով՝ ապստամբության պատճառ է դարձել այն, որ Նիգերի նախագահը բարձրացրել է նախագահական գվարդիայի հրամանատար, գեներալ Օմար Չիանիին պաշտոնանկ անելու հարցը։

Ավելի ուշ Ֆրանսիայի նախագահ Էմանուել Մակրոնը հաստատել է, որ Ֆրանսիայի դեսպանը մնում է Նիգերում՝ չնայած ապստամբների պահանջներին՝ լքել երկիրը։ Նաև ապստամբների կողմից ձևավորված Հայրենիքի փրկության ազգային խորհրդի ղեկավարի խորհրդականը հայտնել է, որ Նիգերը վտարում է աֆրիկյան երկրում միայն Ֆրանսիայի դեսպան Սիլվեն Իտեին։

Եվրամիությունը սադրանք է անվանել Նիգերի ապստամբների որոշումը՝ վտարել Ֆրանսիայի դեսպանին Նիգերից, որը չի օգնի ներկայիս ճգնաժամի դիվանագիտական ​​լուծում գտնելուն։