«Ֆրանսիան պաշտպանում է ռազմական միջամտությունը Նիգերում». Մակրոն
Նիգերում սահմանադրական կարգի վերականգնման համար Փարիզը պատրաստ է աջակցել Արևմտյան Աֆրիկայի երկրների տնտեսական համայնքի (ECOWAS) ցանկացած գործողությունների և ջանքերի, այդ թվում՝ ռազմական։ Այս մասին հայտարարել է Ֆրանսիայի նախագահ Էմանուել Մակրոնը, փոխանցում է ՏԱՍՍ-ը։
«Մենք աջակցում ենք ECOWAS-ի դիվանագիտական և, եթե որոշվի, ռազմական գործունեությունը Նիգերի նկատմամբ», - ասել է Մակրոնը։
2023 թվականի հուլիսի 27-ի գիշերը զինվորականները հայտարարեցին Նիգերում իշխանության զավթման, սահմանադրության կասեցման, ցանկացած քաղաքական կուսակցության արգելման և սահմանների փակման մասին։ Ընդդիմությունն աջակցում էր ապստամբներին, Եվրոպայում, ԱՄՆ-ում և աֆրիկյան որոշ երկրներում քննադատության արժանացավ ուժային իշխանափոխությունը։
