Հնդկաստանը սահմանափակումներ է մտցնում բրնձի մատակարարման վրա. Bloomberg
Հնդկաստանը որոշել է լրացուցիչ սահմանափակումներ մտցնել բրնձի մատակարարման վրա՝ փորձելով ապահովել իր պարենային անվտանգությունը, հայտնում է Bloomberg-ը։
Հնդկաստանի այս քայլը կարող է էլ ավելի նվազեցնել հացահատիկի համաշխարհային մատակարարումները:
Ավելի վաղ հայտնի էր դարձել, որ երկրի կառավարությունը սահմանել է բրնձի արտահանման 20% մաքսատուրք և սահմանափակել արտասահմանում դրա մատակարարումների մոտ 80%-ը։
Քանի որ Հնդկաստանը բրնձի ամենամեծ արտահանողն է, համաշխարհային շուկաներում դրա գները կարող են սկսել աճել։
«Այս քայլի շնորհիվ ներքին գները կնվազեն, և դա կօգնի կառավարությանը վերահսկել պարենային ապրանքների գնաճը», - ասում է Բրինձ արտահանողների ասոցիացիայի նախագահ Կրիշնա Ռաոն:
Հնդկաստանի իշխանությունները ավելացրել են, որ արտահանողներին, ովքեր պայմանագրեր են ունեցել մինչև նոր կանոնը, դեռևս կթույլատրվի հացահատիկ առաքել:
