«Վագներ խմբի մարտիկները կշարունակեն ապրել և աշխատել Բելառուսում». Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ Վագներ խմբավորման մարտիկները չեն լքել Բելառուսը, այլ կշարունակեն աշխատել հանրապետության տարածքում։ Նրա խոսքերը մեջբերում է BelTA գործակալությունը։
«Եվ այն նկարները տիեզերքից, որ մենք ինչ-որ բան ենք ապամոնտաժում… Ինչու՞ ենք մենք հեռացնում ավելորդ վրանները, մեզ դրանք այդքան էլ պետք չեն»,- ասել է պետության ղեկավարը։
Նա ընդգծել է, որ մի քանի օրվա ընթացքում այստեղ կլինեն բոլոր մարտիկները՝ մինչև 10 հազար մարդ։ Երկրի ղեկավարը Բելառուսի տարածքում վագներների ավելի քիչ թիվը բացատրել է նրանով, որ ոմանք արձակուրդ են գնացել։
«Քանի դեռ մեզ պետք է այս ստորաբաժանումը, նրանք կապրեն ու կաշխատեն մեզ հետ»,- ասել է նա։
Լուկաշենկոն նշել է նաև, որ Վագների կորիզը կմնա Բելառուսում։
