ՏԵՍԱՆՅՈՒԹ. Հրապարակվել է Մախաչկալայում պայթյունի պահը
Համացանցում տարածվում է տեսանյութ, որում ենթադրաբար երևում է Մախաչկալայում ողբերգական պայթյունի պահը:
Ստորև ներկայացնում ենք այն, ինչ հայտնի է Մախաչկալայում տեղի ունեցած պայթյունի մասին այս պահին.
- Մախաչկալա-Աստրախան դաշնային մայրուղու Գլոբուս առևտրի կենտրոնի մոտակայքում գտնվող ավտոտեխսպասարկման շենքում պայթյուն է տեղի ունեցել, այնուհետև ուժեղ հրդեհ է բռնկվել:
- Արտակարգ իրավիճակների նախարարությունը հայտարարել է երեք տուժածի մասին. Հրդեհը ընդգրկել է 500 քմ տարածք՝ ավտոտեխսպասարկման շենքից տարածվելով մոտակա ավտոլցակայան։
- Կրկնապայթյունի մեծ վտանգ կա։ Առկա տեղեկությունների համաձայն՝ 8 ցիստեռններից միայն 2-ն են պայթել, հայտնել են ՆԳՆ-ից։
«Ոստիկանության աշխատակիցները դժվարանում են մարդկանց հետ պահել տարածք մտնելու փորձերից», - ավելացրել են գերատեսչությունից: Նշվում է, որ մարդիկ, վտանգելով իրենց կյանքը, փորձում են մտնել ավտոսերվիսի տարածք և օգնել տուժածներին։
- Դաղստանի ղեկավար Սերգեյ Մելիքովը հայտարարել է հինգ զոհի և 10 վիրավորի մասին։ Դեռևս չհաստատված տեղեկություններով՝ կա 10 զոհ, ավելի քան 50 տուժած:
