Օլիմպիական խաղերի ժամանակ ձերբակալվել է 16 տարի հետախուզման մեջ գտնվող երկրպագու

Իտալիայում կայացած Ձմեռային օլիմպիական խաղերի ժամանակ ձերբակալվել է 2010 թվականից հետախուզվող Սլովակիայի քաղաքացի, հաղորդում է Daily Mail-ը՝ հղում անելով տեղական ոստիկանությանը։

Աղբյուրի համաձայն՝ 44-ամյա տղամարդը ձերբակալվել է՝ Միլան ժամանելուն պես՝ Սլովակիա-Ֆինլանդիա (4-1) օլիմպիական հոկեյի խաղին մասնակցելու համար։

Ձերբակալման հայցը իտալացի դատախազները տվել էին 16 տարի առաջ՝ խանութներից գողության մի շարք գործերի կապակցությամբ, որոնց համար նա հեռակա կարգով դատապարտվել էր 11 ամիս և յոթ օր ազատազրկման։

Ոստիկանությունը հետապնդել և ձերբակալել է երկրպագուին, երբ նա Միլանի ծայրամասում գտնվող հյուրատներից մեկում էր, և տարել Սան Վիտտորե կենտրոնական բանտ։