Արցախի իշխանությունների հետ չեն քննարկվում ռուս խաղաղապահների և նրանց աշխատակիցների տեղաշարժերը. Լուսինե Ավանեսյան
Այսօր՝ օգոստոսի 14-ին, «Բաղրամյան 26» թելեգրամյան ալիքը լուր է տարածել, ըստ որի՝ «ռուս խաղաղապահները, Արցախի իշխանություններից գաղտնի, պայմանավորվել են ադրբեջանցիների հետ, և Լաչինի միջանցքով Հայաստան տեղափոխել ռուսական բազայի մոտ 10 քաղաքացիական աշխատակցի»։
Տեղեկությունը ճշտելու համար «Արցախպրես» լրատվական գործակալությունը մեկնաբանություն է խնդրել ԱՀ նախագահի մամուլի քարտուղար Լուսինե Ավանեսյանից, ով ի պատասխան նշել է, որ Արցախի իշխանությունների հետ սովորաբար չի քննարկվում ռուս խաղաղապահների և նրանց կենտրոնի աշխատակիցների տեղաշարժերը, այդ թվում՝ Լաչինի միջանցքով:
