Պեսկովի պատասխանը այն հարցին, թե Ռուսաստանը ձգտում է ավելի շատ ուկրաինական տարածքներ ձեռք բերել
Ռուսաստանը ցանկանում է վերահսկել բոլոր այն շրջանները, որոնք ներկայումս գրված են երկրի Սահմանադրության մեջ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ Այս մասին տղեկանում ենք Ռիա Նովոստիից։ Նշվում է, որ նա պատասխանել է New York Times-ի այն հարցին, թե Ռուսաստանը ձգտում է ավելի շատ ուկրաինական տարածքներ ձեռք բերել։
«Ոչ: Մենք պարզապես ցանկանում ենք վերահսկել բոլոր այն տարածքները, որոնք այժմ մեր Սահմանադրության մեջ գրված են որպես մերը», - ասել է Պեսկովը:
Սկզբնաղբյուր կայքը հիշեցնում է, որ Դոնեցկի Ժողովրդական Հանրապետությունը (ԴԺՀ), Լուգանսկի Ժողովրդական Հանրապետությունը (ԼԺՀ), Զապորոժիեի և Խերսոնի շրջանները 2022 թվականի հոկտեմբերին ներառվել են երկրի Սահմանադրության մեջ Ռուսաստանի Դաշնության սուբյեկտների ցանկում։
