Թուրքիայում զբոսաշրջիկներ տեղափոխող ավտոբուս է վթարի ենթարկվել․ կան զոհեր և վիրավորներ
Ղազախստանից զբոսաշրջիկներ տեղափոխող միկրոավտոբուսը վթարի է ենթարկվել Թուրքիայի Ալանիա հանգստավայրում։ Վիրավորվել է 12 մարդ, զոհվել է 2-ը։ ՌԻԱ Նովոստիի փոխանցմամբ՝ հայտնել է NTV հեռուստաալիքը:
«Ղազախստանից զբոսաշրջիկներ տեղափոխող միկրոավտոբուսը D400 մայրուղու վրա Օկուրջալար գյուղի շրջանում լուսացույցի տակ բախվել է բեռնատարին»,– հայտնել է հեռուստաալիքը:
Վթարի հետևանքով զոհվել են թուրք վարորդը և Ուկրաինայի քաղաքացի զբոսավարը։
Տուժել է 12 ուղևոր, 6-ի վիճակը ծանր է։ Նրանք բոլորը հոսպիտալացվել են Ալանիայի և Մանավգատի հիվանդանոցներ:
Բեռնատարի վարորդին տեղափոխել են ոստիկանության բաժին՝ հարցաքննության։
