Պենտագոնը հերքել է ԱՄՆ-ի հակահրթիռային պաշարների սպառման մասին տեղեկությունները

 ԱՄՆ պաշտպանության նախարար Փիթ Հեգսեթը կեղծ է անվանել CNN-ի հրապարակումը, ըստ որի՝ Իրանի հետ հակամարտության ընթացքում ամերիկյան բանակը սպառել է իր հակահրթիռային համալիրների համար նախատեսված հրթիռ-որսիչների պաշարների զգալի մասը։

«Սա սուտ է, CNN։ Ամոթ ձեզ։ Մենք դեռ բավարար չափով չենք ատում կեղծ լրատվամիջոցներին», — գրել է Հեգսեթը X սոցիալական ցանցում՝ հրապարակմանը կցելով CNN-ի համապատասխան վերնագրի լուսանկարը։

Ավելի վաղ CNN-ը, հղում անելով իր աղբյուրներին, հայտնել էր, որ ԱՄՆ զինված ուժերը Իրանի հետ հակամարտության սկզբից օգտագործել են THAAD հակահրթիռային համակարգերի հրթիռ-որսիչների մոտ 80%-ը և Patriot համակարգերի հրթիռների շուրջ կեսը։ Հեռուստաալիքի տվյալներով՝ այդ մասին նշվել է ամերիկյան ռազմական գերատեսչության վերջին զեկույցում։

Պենտագոնը, սակայն, պաշտոնապես հերքել է այս տեղեկությունները՝ պնդելով, որ CNN-ի հրապարակումը չի համապատասխանում իրականությանը: