ԵՄ-ն մտադիր է խստացնել Բելառուսի դեմ պատժամիջոցները
Հուլիսի 26-ին Եվրամիության մշտական ներկայացուցիչների կոմիտեն (Coreper) մտադիր է քննարկել Մինսկի դեմ պատժամիջոցների խստացման հնարավորությունը։ Այս մասին հայտնում է ՏԱՍՍ-ը՝ հղում անելով կոմիտեի նիստի օրակարգին։
Դիվանագիտական աղբյուրներից ստացված տեղեկատվության համաձայն՝ Եվրամիությունն ակնկալում է հակաբելառուսական պատժամիջոցների ռեժիմը համաժամեցնել Ռուսաստանի դեմ պատժամիջոցների հետ։ Միաժամանակ նշվում է, որ բացառություններ չեն արվելու Բելառուսից պարարտանյութերի համար, որոնք ԵՄ-ն դեռ շարունակում է գնել։
Եթե հանձնաժողովին հաջողվի համաձայնության գալ երկու հիմնական հարցի շուրջ՝ բելառուսական պարարտանյութերի ներկրումից հրաժարվելը և Բելառուս երկակի նշանակության ապրանքների մատակարարման արգելքը, ապա Մինսկի դեմ պատժամիջոցները կարող են ուժի մեջ մտնել առաջիկա մի քանի օրվա ընթացքում։
