ՀՀ-ում մեկնարկել է բուհերի լրացուցիչ մրցույթի փուլը
Հուլիսի 19-ից մեկնարկել է լրացուցիչ մրցույթի հայտագրման գործընթացը։ Լրացուցիչ մրցույթին կարող են մասնակցել այն դիմորդները, որոնք հիմնական փուլում միակ մասնագիտության համար մրցույթից դուրս են մնացել, բայց ունեն դրական միավորներ: Լրացուցիչ փուլի մրցույթի հայտագրման վերջնաժամկետը հուլիսի 26-ն է։ Արդեեն հուլիսի 30-ին պարզ կդառնան քննությունների արդյունքները։
Հիշեցնենք՝ այս տարի բուհ դիմել է 13 հազար 314 մարդ։ Միասնական քննություն հանձնել է 10 հազար 966 դիմորդ։ Այս փուլում ընդունվածների թիվը կազմում է 9 հազար 147։ Հատկացված է եղել անվճար 2 հազար 128 տեղ, որից ընդունվել է 1782 հոգի։ Վճարովի տեղերի թիվը 15 հազար 984 է, ընդունվել է 7 հազար 242 դիմորդ։
Մասնավորապես, բնագիտական, մաթեմատիկական, ճարտարագիտական ուղղություններով զինվորական ծառայությունից տարկետման իրավունքի տրամադրման զուգակցմամբ հատկացվել են տեղեր։ Հաշվի առնելով տրված արտոնությունը՝ արդեն այդ ուղղություններով համալրումներ կան։
