Արցախցիները բետոնե բլոկներով փակել են Ասկերան-Աղդամ ճանապարհը
«Արցախի անվտանգության ու զարգացման ճակատի» անդամները Աղդամ-Ասկերան ճանապարհահատվածում, այս պահին, ակցիա են իրականացնում։
Արցախցիները բետոնե արգելապատնեշներով փակել են Ասկերան-Ակնա ճանապարհը։ Այս մասին իր ֆեյսբուքյան էջում հայտնել է ակտիվիստ, «Վերնատուն» երիտասարդական վերլուծական կենտրոնի հիմնադիր Արշակ Աբրահամյանը։
«Բողոքի ակցիա Ասկերան-Ակնա(Աղդամ) ճանապարհին եւ բետոնե արգելապատնեշների տեղադրում»,- նշել է նա։
«Տեղը պատահական չէ ընտրված, թույլ չենք տալու, որ հումանիտար բեռների անվան տակ սկսենք ադրբեջանական ինտեգրացիան՝ սոցիալ-տնտեսական ինտեգրում չպետք է թույլ տանք։ Հաջորդ քայլը կլինի առևտուր անելը, իսկ վերջնարդյունքը կլինի Արցախի վերջնական կլանումը Ադրբեջանի կողմից»,- «Հրապարակ»-ին ասել է Աբրահամյանը։
Նա շեշտել է, որ ստեղծված բլոկադայի պայմաններում պետք է դիմել ցանկացած քայլի՝ թույլ չտալու համար Ադրբեջանի հետ ինտեգրացիան։
