Իսրայելն ու Բաքուն նպաստում են ռեգիոնալ խաղաղությանը․ Յոավ Գալանտ

Իսրայելի պաշտպանության նախարար Յոավ Գալանտը թվիթերյան իր էջում գրել է, որ Ադրբեջան կատարած այցի ընթացքում քննարկել է Թել Ավիվի և Բաքվի միջև պաշտպանական համագործակցության ընդլայնման հնարավորությունները։  

«Քիչ առաջ ավարտեցի արդյունավետ այցը Ադրբեջան, որտեղ հանդիպեցի նախագահ Ալիևի, պաշտպանության նախարար Հասանովի և Պետական ​​սահմանային ծառայության ղեկավար Գուլիևի հետ։ Մենք քննարկել ենք պաշտպանական համագործակցության ընդլայնման հնարավորությունները»,- գրել է Գալանտը։

Պաշտպանության նախարարը նաև նշել է, որ Ադրբեջանը և Իսրայելը «համաձայնել են էլ ավելի խորացնել ամուր կապերը և բարեկամությունը՝ համագործակցելով տարբեր ոլորտներում։ 

«Մեր պաշտպանական կապերը նպաստում են երկու երկրների անվտանգությանը, ինչպես նաև տարածաշրջանային խաղաղությանն ու կայունությանը»։