Զելենսկին սպառնացել է չմասնակցել Ուկրաինա-ՆԱՏՕ խորհրդի առաջին նիստին․ NYT
Ուկրաինայի նախագահ Վլադիմիր Զելենսկին սպառնացել է չմասնակցել Ուկրաինա-ՆԱՏՕ խորհրդի առաջին նիստին, հայտնում է The New York Times-ի աղբյուրը։ Միջոցառումն անցկացվել է նախօրեին՝ հուլիսի 12-ին, ՆԱՏՕ-ի գագաթնաժողովի երկրորդ օրը։
Ըստ ամերիկյան թերթի՝ Զելենսկին և Կենտրոնական Եվրոպայում նրա կողմնակիցները ցանկանում էին ավելին, քան ասված էր ՆԱՏՕ-ի գագաթնաժողովի եզրափակիչ կոմյունիկեի մեջ։ Նախագահին զայրացրել է այն, որ դաշինքը Ուկրաինայի առջև պայմաններ է դնում նույնիսկ ՆԱՏՕ-ի անդամ դառնալու հրավեր ստանալու համար։ Գագաթնաժողովի առաջին օրը նա թվիթ է գրել, որտեղ այն անվանել է աննախադեպ և անհեթեթ։ The New York Times-ի աղբյուրը, ինչպես նաև The Washington Post-ի զրուցակիցն ավելի վաղ ասել են, որ այս գրառումը վրդովեցրել է ամերիկյան պատվիրակությանը։
Ուկրաինա-ՆԱՏՕ խորհուրդը ստեղծվել է Հյուսիսատլանտյան դաշինքի գագաթնաժողովում նախօրեին՝ հուլիսի 12-ին։ Նախկինում նման մարմին կար միայն Ռուսաստանի հետ, Ուկրաինայի հետ ՆԱՏՕ-ն ուներ միայն համատեղ հանձնաժողով։ Հանձնաժողովի նիստ գումարելը կարող է արգելափակվել դաշինքի ցանկացած պետության կողմից։ Խորհրդի գումարումը չի կարող արգելափակվել։
