Իրանցի խորհրդականը ասել է՝ Նախիջևանը Ադրբեջանին կապելու ցանկության հետևում ինչ մտադրություններ են

Նախիջևանը Ադրբեջանի Հանրապետությանը կապելու ցանկության հետևում այն մտադրություն է, որ նախ Հայաստանը բաժանեն երկու մասի: Այս մասին գրում է Tehran Times-ը, որի հետ զրույցում ասել է Իսլամական հեղափոխության առաջնորդ Այաթոլլա Սեյեդ Ալի Խամենեի միջազգային հարցերով ավագ խորհրդական Ալի Աքբար Վելայաթին։ 

Նա նշել է, որ Ադրբեջանի ցանկության հետևում հետևյալ մտադրություններն են․

«նախ՝ Հայաստանը բաժանել երկու մասի,

երկրորդ՝ անջատել Իրանն ու Հայաստանը՝ խզելով Աքեմենյանների և Պարթևական կայսրության դարաշրջանից սկսած կապը,

երրորդ՝ դա կսահմանափակի Իրանի շփումն արտաքին աշխարհի հետ։

Իրանի հարևան երկրները 15-ի փոխարեն կլինեն 14, և կխզվի Իրանի Իսլամական Հանրապետության ազատ կապը Հյուսիսային Կովկասի, Ռուսաստանի և եվրոպական մայրցամաքի հետ», - ասել է նա Tehran Times-ին։ 

Վելայաթին նաև նշել է, որ տարածաշրջանային սահմանների ցանկացած փոփոխություն երկարաժամկետ լարվածություն կառաջացնի։