F-16-երի փոխանցումն Ուկրաինային միջուկային սպառնալիք է Ռուսաստանի համար․ Լավրով

Ռուսաստանը միջուկային ոլորտում Արևմուտքից սպառնալիք կհամարի այն փաստը, որ Ուկրաինան ունի F-16 կործանիչներ։ Այս մասին Lenta.ru-ին տված հարցազրույցում ասել է ՌԴ ԱԳ նախարար Սերգեյ Լավրովը։ 

Արտգործնախարարն ընդգծել է, որ Մոսկվան տեղեկացրել է ԱՄՆ-ին, Մեծ Բրիտանիային և Ֆրանսիային, որ «չի կարող անտեսել այդ ինքնաթիռների միջուկային զենք կրելու հնարավորությունը»։ 

«Այստեղ ոչ մի երաշխիք չի օգնի։ Ռազմական գործողությունների ընթացքում մեր զինվորականները չեն հասկանա՝ նշված տիպի յուրաքանչյուր կոնկրետ ինքնաթիռ սարքավորվա՞ծ է միջուկային զենքի մատակարարման համար, թե՞ ոչ»,- ասել է Լավրովը։ 

Նախարարը պարզաբանել է, որ «Ուկրաինայի զինված ուժերում նման համակարգերի հայտնվելու փաստը մեր կողմից կդիտվի որպես միջուկային ոլորտում Արևմուտքի սպառնալիք»։ 

Ինչ վերաբերում է միջուկային զենքի կիրառման պայմաններին, ապա դրանք, Լավրովի խոսքով, գրված են Ռուսաստանի ռազմական դոկտրինում։ Վարչության պետը նշել է, որ դրանք քաջ հայտնի են, և ինքն այլևս չի կրկնի։