Էրդողանը մտադիր է անձամբ Պուտինի հետ քննարկել «Ազովի» հրամանատարների շուրջ իրավիճակը
Թուրքիայի նախագահ Ռեջեփ Թայիփ Էրդողանը հայտարարել է, որ մտադիր է անձամբ Ռուսաստանի նախագահի հետ քննարկել Ուկրաինայի «Ազով» ազգային գումարտակի հրամանատարներին Կիև արտահանձնելու հետ կապված իրավիճակը:
«Մինչև անցած ուրբաթ «Ազովի» այս հրամանատարները մեզ հետ էին, հետո մենք հարցում ստացանք, դրական պատասխան տվեցինք և «Ազովի» այս վեց հրամանատարներին վերադարձրինք Կիև, Ռուսաստանը մի շարք հայտարարություններ արեց այս թեմայով, բայց իրավիճակը ընթացավ դրական ճանապարհով այն բանից հետո, երբ մանրամասները հայտնի դարձան»,- ասել է Էրդողանը չորեքշաբթի Վիլնյուսում ՆԱՏՕ-ի գագաթնաժողովից հետո կայացած մամուլի ասուլիսում։
«Հուսով եմ, որ օգոստոսին ես անձնական հանդիպում կունենամ ՌԴ նախագահ Վլադիմիր Պուտինի հետ, այնուհետև մենք նորից կքննարկենք այդ խնդիրը»,- ասել է Էրդողանը։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ Ռուսաստանն արդեն սկսել է Թուրքիայի հետ քննարկել Ռուսաստանի Դաշնությունում արգելված «Ազով» ստորաբաժանման ներկայացուցիչների՝ Ուկրաինա տեղափոխելու հարցը։
«Ինչ վերաբերում է «Ազովի» ղեկավարների վերադարձին, այո, սա առկա պայմանավորվածությունների խախտում է, մենք դա կքննարկենք թուրքական կողմի հետ, ինչպես արդեն սկսել ենք անել»,- լրագրողներին ասել է Պեսկովը։
«Շատ կարևոր է, որ Թուրքիան, ի տարբերություն այսպես կոչված կոլեկտիվ Արևմուտքի մի շարք երկրների, երկխոսություն է վարում մեզ հետ և, առավել ևս, բարձր մակարդակով: Մենք կօգտագործենք այս երկխոսության ուղիները մեր դիրքորոշումը հստակեցնելու, և այս իրավիճակը հաշվի առնելու համար տարբեր բնագավառներում հետագա համաձայնություններում»,- ընդգծել է նա։
