«Այսինքն՝ Օսկանյանն ասում է՝ եկե՛ք ստեղծենք 2-րդ պետություն այդպիսի հարցերի համար, ինչը շատ անլուրջ է». ԱԽ քարտուղար
Կարծում եմ Վարդան Օսկանյանը տաս տարի նման հնարավորություն ունեցել է. փաստն այն է, որ չի կարողացել անել դա տաս տարում, ինչպե՞ս է դա անելու երեք ամսում: Այս մասին «Ամերիկայի ձայնին» տված հարցազրույցում նշել է Հայաստանի ԱԽ քարտուղար Արմեն Գրիգորյանը՝ անդրադառնալով ԱԳ նախկին նախարար Վարդան Օսկանյանի վերջերս հնչեցրած առաջարկին՝ իրեն եւ մի խումբ դիվանագետների բանակցելու լիազորություն տալ եւ ինքը 3 ամսում բանակցային օրակարգում հայամետ դրույթներ կներառի՝ պայմանով, որ այդ ընթացքում վարչապետ Նիկոլ Փաշինյանը պետք է լռի:
«Ինձ նույնիսկ նման առաջարկում զարմացնում է ընկալումը պետության հանդեպ. այսինքն՝ եկե՛ք ստեղծենք երկրորդ պետություն կամ երկրորդ պետական ինստիտուտ այդպիսի հարցերի համար, ինչը կարծում եմ շատ անլուրջ է և չպետք է քննարկման առարկա դառնա այդ իմաստով, որովհետև փաստենք՝ նախ նա այդ հնարավորությունը ունեցել է և չի օգտագործել: Որտեղի՞ց համուզմունք, որ նա երկրորդ անգամ կարող է դա անել, այն էլ երեք ամսում ու ինչ-որ անհասկանալի մարդկանց միջոցով...»,-ասել է ԱԽ քարտուղարը:
