Սոչի թռչող ինքնաթիռները զանգվածաբար վայրէջք են կատարում այլընտրանքային օդանավակայաններում
Սոչիում հորդառատ անձրևների պատճառով ինքնաթիռները սկսել են զանգվածաբար ուղարկվել դեպի այլընտրանքային օդանավակայաններ։ Այս մասին հայտնում է Интерфакс-ը՝ հղում անելով Սոչիի օդանավակայանի մամուլի ծառայությանը։
Նշվում է, որ անցած օրվա ընթացքում 17 օդանավ մեկնել է այլընտրանքային օդանավակայաններ՝ ուղևորների անվտանգությունն ապահովելու նպատակով։
Միաժամանակ, Մոսկվայի ժամանակով ժամը 2:00-ից Սոչիի օդանավակայանը սկսել է աշխատել կանոնավոր ռեժիմով և արդեն ստացել է ուղարկված 17 ինքնաթիռներից 15-ը։ Այսինքն՝ օդանավակայանը գործում է ըստ փաստացի եղանակի և սպասարկում է ժամանող բոլոր չվերթները, մնացած երկու թռիչքները սպասվում են առաջիկայում, հայտնում են մամուլի ծառայությունից։
