ՏԵՍԱՆՅՈՒԹ․ Թուրքիայի սեևծովյան շրջանների բնակիչներին զգուշացրել են ջրհեղեղից հետո հնարավոր աղետների մասին

Թուրքիայի արտակարգ իրավիճակների վարչությունը հայտարարել է վտանգի նախավերջին՝ նարնջագույն աստիճան երկրի Սև ծովի ափին գտնվող 15 շրջաններում, որոնցից շատերը հեղեղվել են հորդառատ անձրևների պատճառով։ Այս մասին գրում է TACC գործակալությունը։

Կայքը գրում է, որ տարերային աղետների և բնակավայրերին հասցված վնասների հավանականության նախազգուշացումը գործում է մինչև հուլիսի 11-ը։ Անձրևների հետևանքների վերաբերյալ տվյալները ճշտվում են։ Տեղեկություններ կան զոհերի մասին, նշում է A Haber հեռուստաալիքը։

Նշվում է, որ TRT հեռուստաընկերության փոխանցմամբ՝ շաբաթվա վերջին Թուրքիայի սևծովյան տարածաշրջանում տեղացած անձրևները Դուզջե, Բարթին, Գիրեսուն, Զոնգուլդակ, Օրդու, Սաքարյա և Սամսուն նահանգներում հանգեցրել են գետերի ափերի վարարմանը։