ՏԵՍԱՆՅՈՒԹ․ Ջրհեղեղ՝ Սոչիում
ՌԴ Սոչիի Ադլեր շրջանում 100 մմ տեղումներ են։ Հորդառատ անձրևների հետևանքով որոշ ավտոճանապարհներում ժամանակավորապես արգելափակվել է երթևեկությունը։
Սոչիում Խորոտա գետում աշխատել են «Վտանգավոր երևույթ» տվիչները, գործի են դրվել ազդանշանային և ձայնային սարքավորումները, մարդկանց տեղեկացնելու համար։ Այս մասին տեղեկանում ենք քաղաքային վարչակազմի Telegram ալիքից։
«Այժմ գետում ջրի մակարդակը նվազել է, սակայն բնակիչները և հյուրերը պետք է մնան տանը կամ ապահով վայրում, ձեռնարկեն բոլոր անհրաժեշտ նախազգուշական միջոցները»,- ասվում է քաղաքապետարանի թելեգրամյան ալիքի հաղորդագրության մեջ։
Նշենք, որ տեղի իշխանությունները չեն բացառում, որ Սոչիում հեղեղը կարող է շարունակվել։ Փոթորկի նախազգուշացումը ուժի մեջ է մինչև հուլիսի 10-ը։ Հիշեցնենք նաև, որ քաղաքի լողափերում լողալն արգելված է։
