Կոտայքի մարզում տներից մեկի տանիքը ուժեղ քամուց պոկվել, ընկել է գազատար խողովակի, ավտոմեքենայի վրա

Հուլիսի 5-ին, ժամը 16։18-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղի 1-ին թաղամասի կիսակառույց տներից մեկի տանիքը ուժեղ քամուց պոկվել, ընկել է գազատար խողովակի և էլեկտրական լարերի վրա։

Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ կիսակառույց շինության տանիքից (180 քմ) մոտ 100 քմ հատված պոկվել և ընկել է մոտակա տների, գազատար խողովակի, էլեկտրական լարերի և կայանած «Mercedes-Benz» մակնիշի ավտոմեքենայի վրա․ առկա է գազի արտահոսք և շինության 2-րդ հարկից կախված մոտ 30 քմ տանիքի կառուցատարրերի ընկնելու վտանգ։

Մինչ փրկարարների կանչի վայր հասնելը՝ գազի վթարային ծառայության աշխատակիցների կողմից դադարեցվել է գազատար խողովակից առկա արտահոսքը։

Փրկարարներն ապամոնտաժել են կախված կառուցատարրերը։

[e139f6b8a0c61ac5a8ce7df34e756144.jpg]

[7e0d77cb2be0700fb7d719f190e8dbc0.jpg]

[0999bc93677d9102b11ada11255082c9.jpg]

[189a37db506ae3abe2f23e475a086ae5.jpg]