Ֆրանսիայում անկարգություններին մասնակցող երեխաների ծնողները կազատազրկվեն
Ֆրանսիայում անկարգություններին մասնակցող երեխաների ծնողներին ազատազրկում է սպառնում։ Այս մասին հայտնում է РИА Новости-ն։
Նշվում է, որ այն ծնողներին, որոնց13-14 տարեկան երեխաները մասնակցում են Ֆրանսիայում անցկացվող անկարգություններին, սպառնում է երկու տարվա ազատազրկում կամ 30 հազար եվրո տուգանք։
Հիշեցնենք, որ արդեն մի քանի օր է, ինչ Ֆրանսիայում բողոքի ակցիաներ ու անկարգություններ են տեղի ունենում, քանի որ հունիսի 27-ին Ֆրանսիայի ոստիկանները ճանապարհին ստուգման ժամանակ սպանել էին 17-ամյա դեռահաս մի տղայի՝ Նահել Մ․-ին, որը, ըստ ուժայինների, հրաժարվել էր կատարել իրենց պահանջները: Ֆրանսիայի մի շարք քաղաքներում դեպքից հետո անկարգություններ են սկսվել, որոնք մինչև հիմա շարունակվում են։
