«Ընդհարումներ են տեղի ունենալու». Դավիթ Անանյան
ՊԵԿ նախկին նախագահ Դավիթ Անանյանը, «24TV»-ի եթերում անդրադառնալով վաշինգթոնյան բանակցություններին, նշել է.
«Եթե բանակցություններն ընդհանրապես դիտարկենք որպես երկխոսության հնարավորություն, ապա այն շատ ավելի լավ գործընթաց է, քան սվիններով հարցեր լուծելու մոլուցքը: Իսկ եթե վերադառնանք մեր իրականություն, քննարկենք՝ բանակցությունները ե՞րբ պետք է վարվեն, ի՞նչ դիրքերից ու ինչպիսի՞ օրակարգով, ապա այս պահին ՀՀ-ը բանակցություններ վարելու նախադրյալներ ու ճիշտ կեցվածք չի դրսևորում»:
Նրա խոսքով՝ Ադրբեջանի ջանքերով բանակցությունները պարբերաբար տարվում են փակուղի, որովհետև ադրբեջանա-թուրքական տանդեմը լավ գիտակցում է, որ ՀՀ իշխանությունները հանդուրժող են.
«Բանակցությունները չպետք է բթացնեն մեր զգոնությունը, ցավոք, մոտ ապագայում փաստեր լինելու են ու համոզվելու ենք, որ պատերազմը չի ավարտվել: Կարծում եմ՝ ընդհարումներ են տեղի ունենալու, որոնց նպատակը նոր տարածքներ գրավելն է, հանդուժող իշխանությունից շատ ավելի բան կորզելը»,- նշել է բանախոսը:
