Մեծ պատիվ է լինել ուկրաինացի և փառաբանել Ուկրաինան. Զելենսկի
Ուկրաինայի նախագահ Վլադիմիր Զելենսկին Սահմանադրության օրը ելույթ է ունեցել Ռադայում և նշել, որ մեծ պատիվ է լինել ուկրաինացի և փառաբանել Ուկրաինան։
«Սա պատիվ է, որը մեզ պարտավորեցնում է հաղթել և կառուցել հաղթանակի Ուկրաինան»,- ասել է Զելենսկին: Ըստ նրա` Ուկրաինայի հաղթանակը ռուսական բոլոր զորամասերի, վարձկանների և զինյալների վտարումն է երկրի ողջ տարածքից, բոլոր գերիների և տեղահանվածների վերադարձը, ինքնիշխանության վերականգնումը միջազգայնորեն ճանաչված սահմաններում։
Ուկրաինայի ղեկավարը նշել է, որ ամեն ինչ իրենց ձեռքերում է և ազատությունը հաջողություն է բերում:
