Մարիա Զախարովան՝ «Իսկանդերի» օգտագործման սահմանափակումների մասին
ՌԴ ԱԳՆ պաշտոնական ներկայացուցիչ Մարիա Զախարովան այսօր կայացած ճեպազրույցի ժամանակ խուսափել է պատասխանել Հայաստանին վաճառելիս «Իսկանդերի» օգտագործման համար ՌԴ-ի կողմից սահմանափակումների մասին հարցին։
«Այդ հարցը պետք է ուղղել մեր պաշտպանության նախարարությանը և կոնկրետ այն կառույցներին, որոնք պայմանագիր են կնքում և սպառազինություն մատակարարում։ Այդ հարցը ԱԳՆ-ի իրավասության տակ չի գտնվում»,-ասել է նա։
Նախօրեին 44-օրյա պատերազմի հանգամանքները քննող հանձնաժողովի նիստում ՀՀ վարչապետ Նիկոլ Փաշինյանը հայտարարել էր, որ եղել են սպառազինություններ, որոնց օգտագործման իրավունքը լիովին չի պատկանել Հայաստանին։
