Մոլորակն «այրվում է»․ Al Jazeera-ի անդրադարձը
Աշխարհում կլիման շարունակվում է փոխվել։ Սրա մասին են վկայում անընդհատ տեղի ունեցող անտառային հրդեհներն, աղտոտված օդն ու տարերային աղետները։ Այս մասին է գրում Al Jazeera-ն։
Համաշխարհային օդերևութաբանության կազմակերպության վերջին կանխատեսումները՝ գլոբալ տաքացման մասով, լուրջ մտահոգություն են առաջացնում։
Al Jazeera-ն հաղորդում է նաև, որ Համաշխարհային օդերևութաբանության կազմակերպությունը մարդկանց զգուշացնում է՝ առաջիկա հինգ տարիների ընթացքում, մարդիկ, ամենայն հավանականությամբ, կզգան օդի ջերմաստիճանի ավելի քան 1,5 աստիճանի աճը։
Այնուամենայնիվ, այսօր Երկիր մոլորակը գտնվում է ոչ միայն կլիմայական գլոբալ ճգնաժամի, այլև պայքարում է դրա սարսափելի հետևանքների դեմ:
Ամեն ինչ կորա՞ծ է` այս հարցին պարբերականը պատասխանում է կարճ․ զարգացած երկրների մեծ մասը հետ է մնում կլիմայի վերաբերյալ իր խոստումներից: Սակայն որոշ զարգացող երկրներ, ինչպիսիք են օրինակ՝ Գամբիան, Կոստա Ռիկան, Մարոկկոն, Մալին՝ լուրջ քայլեր են ձեռնարկում ճգնաժամի դեմ պայքարելու համար։ Շատերն արդեն անցել են արևային վահանակներով էլեկտրաէներգիայի արտադրմանը։ Օգտագործելով արևից ստացած էներգիան՝ նորարարություններ են անում գյուղատնտեսության մեջ
