ԵՄ-ում Ադրբեջանի դեսպանը սպառնացել է եվրադիտորդներին՝ կոչ անելով հեռու մնալ Ադրբեջանի սահմանից

Բելգիայում և ԵՄ-ում Ադրբեջանի դեսպան Վագիֆ Սադիկովը սպառնացել է ԵՄ քաղաքացիական առաքելության դիտորդներին։ Նա թվիթերյան իր գրառման մեջ ցուցադրել է զենքը և խորհուրդ տվել հեռու մնալ Ադրբեջանի սահմանից:
 

Եվրախորհրդարանի անվտանգության և պաշտպանության հարցերով ենթակոմիտեի ղեկավար Նատալի Լուազոն դա համարել է լկտիություն և ուղիղ սպառնալիք: Իր միկրոբլոգում, մասնավորապես, նա գրել է․
 

«Արդյո՞ք սա սպառնալիք է Եվրախորհրդարանի անդամների համար։ Ինչ մակարդակի է իջել Ադրբեջանի դիվանագիտությունը․ չհարգելով Միջազգային դատարանի որոշումը և 120 000 մարդու պատանդ վերցնելով՝ հպարտանալու տեղ չունեք։
 

Սա մեզ չի նյարդայնացնում։ Մենք շարունակելու ենք պահպանել խաղաղությունը և մեր հարգանքը Լեռնային Ղարաբաղի ժողովրդի նկատմամբ»,- նշել է Լուազոն։