Մի քիչ դժվար է Ալիևին մեկնաբանելը․ Ալեն Սիմոնյան
Մի քիչ դժվար է Ալիևին մեկնաբանելը։ Այս մասին ԱԺ-ում լրագրողների հետ զրույցում ասել է Ալեն Սիմոնյանը։
«Անշնորհակալ գործ է՝ կանխատեսում անել՝ կարող է բերե՞լ, թե՞ ոչ: Մենք պետք է մշտապես պատրաստ լինենք, որ ամեն րոպե կարող է հարձակում լինել, էդ տրամաբանությամբ ենք աշխատում: Բանակին ուղղված բարեփոխումները հենց էդ տրամաբանությամբ ենք առաջ տանում»,- ասել է Սիմոնյանը՝ պատասխանելով հարցին՝ Ադրբեջանը պարբերաբար սադրանքներ է իրականացնում ՀՀ սահմանին, ինչի՞ է ուզում հասնել, սա կարո՞ղ է բերել ռազմական լայնածավալ գործողությունների:
Դիտարկմանը՝ Ալիևի ռազմաշունչ հռետորաբանությունն ու խաղաղության գործընթացը հակասական տպավորություն չի՞ ստեղծում, նշել է.
«Նոր պետք է՞ հակասական տպավորություն ստեղծվի հարևան երկրի ղեկավարի խոսքից. մեկ ասում է՝ միջանցք, հետո ասում է՝ ես դա նկատի չունեմ, որ ասում եմ՝ միջանցք, ես ամեն ինչին եմ միջանցք ասում, պետք է քաղաքական գիտելիքներ ունենալ, որ հասկանալ և այլն.... մի քիչ դժվար է իրեն մեկնաբանելը»
