ԵՄ-ն կարող է մինչև տարեվերջ պատրաստել մինչև 30 հազար ուկրաինացի զինվոր․ Բորել
Եվրոպական դիվանագիտության ղեկավար Ժոզեպ Բորելը կարծում է, որ մինչև տարեվերջ մինչև 30 000 ուկրաինացի զինվոր կկարողանա վերապատրաստվել ԵՄ երկրներում, գրում է Интерфакс-ը։
«Արդեն 24.000 ուկրաինացի զինվոր մասնակցել է ուսումնական առաքելություններին, ուստի մինչև տարեվերջ հնարավոր կլինի հասնել 30.000-ի թիրախին»,- ասել է նա երկուշաբթի Բրյուսելում կայացած մամուլի ասուլիսի ժամանակ։
Բորելը նշել է, որ ԵՄ-ն կշարունակի աջակցել Ուկրաինային, այդ թվում՝ երկարաժամկետ հեռանկարում։
«Մենք կշարունակենք Ուկրաինային ռազմական աջակցությունը հակաօդային պաշտպանության և ուսուցման ոլորտներում»,- ընդգծել է Բորելը` նշելով, որ ԵՄ-ն հույսը դնում է ՄԱԿ-ի սկզբունքների վրա հիմնված աշխարհի վրա։
