Լուկաշենկոն ու Պրիգոժինը 20 տարի է ճանաչում են միմյանց. Պեսկով
«Վագների» հիմնադրի հետ բանակցություններում մասնակցել է Բելառուսի նախագահ Ալեքսանդր Լուկաշենկոն, քանի որ վերջինս շուրջ 20 տարի է՝ անձնապես ճանաչում է Եվգենի Պրիգոժինին։
Այս մասին լրագրողների հետ զրույցում հայտնել է ՌԴ նախագահի խոսնակ Դմիտրի Պեսկովը։
Խոսնակի խոսքով՝ Ռուսաստանի նախագահի՝ Բելառուսի պաշտոնակցի հետ զրույցի ընթացքում պայմանավորվածություն է ձեռք բերվել, որ «Լուկաշենկով միջնորդական ջանքեր կգործադրի կարգավորման հարցում»։
«Եվ մենք բարձր ենք գնահատում այդ ջանքերը»,- նշել է նա։
Պեսկովը անցած օրն անվանել է «բավականին ծանր» և «ողբերգական իրադարձություններով լի», բայց հայտարարել է, որ տեղի ունեցածը որևէ կերպ չի անդառադնա Ուկրաինայում ռազմական գործողության վրա։
