ՏԵՍԱՆՅՈՒԹ․ Չինացի տիկտոկերը ներկայացել է որպես ռուսական հատուկ ջոկատային և օղի վաճառել
Չինացի տիկտոկերը ներկայացել է որպես հատուկ ռազմական գործողությունների գոտում ռուսական հատուկ նշանակության ջոկատի զինվոր և վաճառել տարբեր ապրանքներ, այդ թվում՝ օղի։ Այս մասին գրում է News.ru-ն։
Լրատվամիջոցների տեղեկություններով՝ մի չինացի, օգտագործելով Douyin հարթակը (TikTok-ի չինական տարբերակը) պնդել է, որ ինքը Չեչնիայից է և իր անունը Baoer Kechatie է։ Նա նաև պարծեցել է, թե Ուկրաինայում «կռվում է» ԱՄՆ ծովային հետևակի դեմ։
Նշվում է, որ ստախոսին բաժանորդագրված է եղել 400 հազար մարդ։ Սակայն օգտատերերին շփոթեցրել է նրա առոգանությունը, իսկ ավելի ուշ նրա հաշիվն արգելափակվել է կեղծ բովանդակության պատճառով։ Նրան հաջողվել է վաճառել ավելի քան 200 հազար ապրանք, այդ թվում՝ կաթ և մեղր Ռուսաստանի Դաշնությունից։
