«Խնդրում եմ՝ տվեք «Թվիթեր»-ի իր օգտահաշվի գաղտնաբառը, թող ինքնուրույն գրառումներ անի». Մասկը՝ Բայդենի մասին
Ամերիկացի գործարար Իլոն Մասկը հեգնանքով կոչ է արել վերադարձնել Twitter-ի օգտահաշվի գաղտնաբառը ԱՄՆ նախագահ Ջո Բայդենին, որպեսզի նա կարողանա ինքնուրույն գրառումներ տեղադրել իր անունից։
«Խնդրում եմ, տվեք նրան իր թվիթի գաղտնաբառը, որպեսզի նա կարողանա ինքնուրույն գրել իր թվիթերը: Խնդրում եմ, աղաչումեմ ձեզ»,- գրել է Մասկը:
Նրա ուղերձը հնչել է ի պատասխան Բայդենի գրառման այն մասին, որ «ժամանակն է՝ գերհարուստները սկսեն վճարել իրենց արդար բաժինը»՝ պետության ղեկավարի և միության ներկայացուցիչների նախընտրական հանդիպման մասին մի շարք տեղեկությունների հրապարակումից հետո:
ԱՄՆ նախագահական ընտրությունները նշանակված են 2024 թվականի նոյեմբերին։
