Էրդողանը քննարկել է ԵՄ-ին Թուրքիայի անդամակցության հարցը
Թուրքիայի նախագահ Ռեջեփ Թայիփ Էրդողանը Եվրոհանձնաժողովի ղեկավար Ուրսուլա ֆոն դեր Լեյենի հետ հեռախոսազրույցում քննարկել է հանրապետության հարաբերությունները Եվրոմիության հետ, որին նա փորձում է անդամակցել որպես լիիրավ անդամ արդեն գրեթե 20 տարի։
Էրդողանը Եվրոմիությանը կոչ է արել «իրավական մոտեցումներ» ցուցաբերել Թուրքիայի հետ կապված՝ նշելով, որ տարածաշրջանային մարտահրավերների հետ կապված հաջողությունը մեծապես կախված է Անկարայի և Բրյուսելի միջև կապերի ամրապնդումից, բանակցություններից հետո ասել է Թուրքիայի ղեկավարի վարչակազմը։
Թուրքիայի իշխանությունները ավելի վաղ հայտարարել էին, որ Եվրոմիությանը երկրի լիիրավ անդամակցությունը Անկարայի ռազմավարական նպատակն է։ Եվրոմիությանը Թուրքիայի անդամակցության շուրջ բանակցությունները շարունակվում են 2005 թվականից և բազմիցս դադարեցվել են։
Բանակցային գործընթացի խոչընդոտներից մեկը Կիպրոսի հարցն է։ Այսօրվա դրությամբ, այսպես կոչված, բանակցային դոսիեի 35 գլուխներից 16-ը բացվել են։
