ՏԵՍԱՆՅՈՒԹ․ Ուժգին հրդեհ Կազանի բարձրահարկ շենքերից մեկում․ այրվում է գրեթե ողջ տանիքը
Հրդեհի կադրեր են տարածվել ՌԴ Կազան քաղաքից (Թաթարստանի մայրաքաղաք)։ Հրդեհ է բռնկվել Չեխովի փողոցի բարձրահարկ շենքերից մեկում։
Ըստ ԶԼՄ-ների՝ սկզբում հրդեհվել է վերջին հարկի բնակարանը, իսկ հետո կրակը կլանել է տանիքը։ Բնակիչներին տարհանում են։
Կազանի այրվող շենքում 66 բնակարան կա, դեպքի վայր է ժամանել քաղաքի Վախիտովսկի և Պրիվոլժսկի շրջանների ղեկավար Ալբերտ Սալիխովը։
Պաշտոնյաները սկսել են բնակեցման վայրեր պատրաստել տարհանված բնակիչների ժամանակավոր վերաբնակեցման համար:
Հրշեջներն ու այլ ծառայություններ արդեն տեղում են։ Զոհեր և վիրավորներ չեն եղել։
