ԼՈՒՍԱՆԿԱՐՆԵՐ․ Ոչ մի տեղում հակակարկտային կայաններ կամ չկան, կամ չեն աշխատել այնպես որ կանխեն աղետը․ Հայկ Մելքոնյան
Ոչ մի տեղում հակակարկտային կայաններ կամ չկան, կամ չեն աշխատել այնպես որ կանխեն նման աղետը: Այս մասին ֆեյսբուքյան իր էջում գրել է «Բերքառատ Հայաստան» խմբի հիմնադիր Հայկ Մելքոնյանը և լուսանկարներ հրապարակել։
«Նախօրեին Հայաստանի տարբեր շրջաններում ուժեղ կարկուտ և հեղեղային անձրևներ են եղել՝ Լոռու մարզի Սպիտակի շրջան, Գեղարքունիքի մարզի Ճամբարակի շրջան, Սյունիքի մարզի Սիսիանի շրջան։
Ոչ մի տեղում հակակարկտային կայաններ կամ չկան, կամ չեն աշխատել այնպես որ կանխեն նման աղետը:
Հողագործների բերքին զգալի վնաս է հասցվել։ Ցավում եմ բոլորի համար»,- գրել է նա։
Հիշեցնենք՝ ավելի վաղ հայտնել էինք, որ Լոռու համայնքներից մեկում խոշոր կարկուտի հետևանքով վնասվել է բերքի մոտ 90%-ը։
